[Ronda-users] given the book to _four_ men in the whole r

[Solomen <obe...@lo...>]

Barred it and toke one of the knyghtes by the honde and seyde hit be
semyth not to make a castell of holy churche, and toke hem by the honde
and seyde come ynne my children in goddis name Thanne for it was myrke
that they myghte not see nor knowe thomas they seyde where is the
traytour nay seyde thomas no traytour but Archebishoppe. Than one seyde
to hym fle fore thou arte but dede. Nay seyde thomas y come not to fle
but to a byde Ego pro deo mori paratus sum et pro defensione iusticie et
ecclesie libertate I am redy to dye for the loue of God and for the
fredomme and righte of holy churche Than reynold with his swerdes poynte
put off thomas cappe and smote at his hede and cutte of his crowne that
it honge by like a dysche Than smote anothir at him and smote hit all of
than fill he downe to the grounde on his knees and elbowes and seyde god
into thy hondes I putte my cause and the righte of holy churche and so
deyde Than the iij knyghte smote and his halfe stroke fell upon his
clerkis arme that helde thomas cross be fore him and so his swerde fill
down to the grounde and brake of the poynte and he seyde go we hens he
is dede. And when they were all at the dore g